L'uguaglianza.

L'uguaglianza.
____________________________________

Chisà pecché 'a ggente deficiente,
'a cchiù cretina, 'o sciore 'e l'ignoranza,
è chella ch'è cunvinta overamente
... ch' a stu paese esiste l'uguaglianza.

Se smania, allucca: Simme tutte euguale,
ogge tenimme la democrazia.
Chesto pecché, qualunque sia animale
tene 'o permesso 'e di na fesseria.

Addó barbiero mio, don Liberato,
ce steve nu guaglione a faticà;
nu iuorno ce trasette nu scenziato,
gran professore, na celebrità.

Pusaie 'o cappiello, appennett' 'o mbrello,
pe' se fa fà 'e capille, e s'assettaíe.
'O guagliunciello, pe' fà 'o farenello,
pigliaie 'o cappiello e se l'ammusuraie.

Sultanto pecché, appena s' 'o mettette
le jeve nu 'penniello'... a chella rapa,
guardanne 'o prufessore le dicette:
" Duttò, tenimme proprio 'a stessa capa! "

E 'o prufessore: Non c'è differenza ...
Guaglíò, posa 'o cappiello, aggiu pacienza!
____________________________________

Una Poesia di Ugo Izzolino.
____________________________________

____________________________________

Chiacchiere e tabbacchere 'e legn, 'o Banco 'e Napule nun s'impegn ...

Chiacchiere e tabbacchere 'e legn, 'o Banco 'e Napule nun s'impegn ... 

____________________________________

 Chiacchiere e tabbacchere 'e lignammo...
____________________________________

 

____________________________________

Quanno fanno p' 'a Ti Vvù
chelli belle riunione
e te spiegano 'e malanne
ch' è afflitta 'a nazione...

io quase me ce ncanto
a sentì sti scienziate,
chisti grande personagge,
prufussure, deputate;

chesta gente cumpetente,
sti persone intelligente
ca risolvono 'e prubleme
cu 'e pparole, dint' 'a niente!

A sentirle è nu piacere,
pare tutto na sciucchezza,
mentre 'e ccose vanno annanzo
sempe peggio, na schifezza!...

Pare 'o stesso 'e quanno leggo
nu biglietto 'e l'istruzione
mise dint' 'e mmedicine
pe' ce dà 'e spiegazione.

I' me leggo cu attenzione
commӏ fatto 'o priparato,
e ce trovo sempe scritto
ch'è nu grande ritruvato,

indicato spicialmente
p' 'e dulure ca me sento.
Quanno pò m' 'e so' pigliate...
nun me fanno 'o riesto 'e niente!
____________________________________

tratto da una Poesia di Ugo Izzolino.
Immagino che Eduardo De Filippo l'avrebbe recitata così.
____________________________________

La poesia non è di Eduardo De Filippo.
La foto messa apposta di Eduardo
vuole imprimere visibilmente e
facilitare la lettura e la profondità della poesia.
____________________________________

L'alliccamiento ovvero il leccamento od il lecchinaggio ...

ALLICCAMIENTO

'O guagliunciello allecca 'o franfellicco,
'o cane allecca 'e mmane d' 'o padrone,
'a sciorta allecca sempe ll'ommo ricco,
e mmeliune 'e ggente ll'illusione.
...
Po' ce stà n'atu tipo 'e alliccamiento,
'o cchiù diffuso, ditto 'o lliccapiere;
è pratecato 'a tutt' 'e ggente 'e niente,
e serve a lloro pe' ffà chiù carriera.

'O piccerillo allecca a chi è chiù gruosso,
e chisto allecca a chi è chiù gruosso ancora;
'o fine 'e 'sta catena è sempe n'uosso,
nu posto 'e presidente o 'e direttore.

E mmiez'a tutte chist'alliccamiente,
ce stà chi allecca pe' nu tuozzo 'e pane;
è chi se fà alliccà ca è n'ommo 'e niente,
quanno pretenne 'ncienzo e leccamane.

(Gennaro Esposito)
____________________________________ 

 

 

La Madonna Immacolata di Piazza del Gesù Nuovo in Napoli.

La Madonna Immacolata di Piazza del Gesù Nuovo in Napoli.
____________________________________

 

""" A ddicembre, quann' è 'o juorno
d' 'a Madonna Immacolata,
d' 'o "Ggesù" 'nmiezo a 'stu " llargo"
'ncopp' 'a guglia, àuta comm' è,
'nu pumpiere, cu' 'na longa
scala-porta, apposta armata,
... 'nnanz' 'a statua d' 'a Madonna
saglie e pposa 'nu bbuchè. """
____________________________________

 

 

La Madonna Immacolata di Piazza del Gesù Nuovo in Napoli.

____________________________________

E SCIACQUANTE ...

E SCIACQUANTE.
___________________________________

'A cumpagnia è cchella 'e tutte 'e ssere:
na dicina 'e sciacquante assaie speciale.

... Gente abbasata ca trova piacere
a farse chini chino 'o vernecale*.

Comme mettono 'o pede int' 'o lucale,
vide ca tutte quante 'e cammariere
se fanno a qquatto: stènneno 'o mesale,
portano 'e ssegge, allùstrano 'e bicchiere...

'A pusteggia s'arrocchia pe' sunà.
Mentre 'o trattore, ca s' 'e ttene mente,
se fa nnanze dicenno: - Eccome qua!

Pe' vvuie tengo int' 'o furno na lasagna.
Ve faccio arrecrià. Ma pe' ttramente
veviteve st'asprinia... è na sciampagna.

(Egidio Zito)

'E SCIACQUANTE' - Nel senso di freguentatori di osterie.
'Vernecale' - La pancia.
___________________________________

 

'O rraù ovvero l'ottimo ragù di carne, come viene chiamato e come si fa solo a Napoli ...

'O rraù
____________________________________

'O rraù ca me piace a me
m' 'o ffaceva sulo mammà.
A che m'aggio spusato a te,
ne parlammo pè ne parlà.
Io nun sogno difficultuso;
ma luvàmell''a miezo st'uso.
Sì, va buono: cumme vuò tu.
Mò ce avèssem' appiccecà?
Tu che dice? Chest'è rraù?
E io m'a 'o mmagno pè m' 'o mangià...
M' 'a faje dicere na parola?
Chesta è carne c' 'a pummarola.
____________________________________